डिभोर्सको बारेमा सामान्य जानकारी

महिला होस वा पुरुष दुबैलाई डिभोर्स (सम्बन्ध बिच्छेद) बाध्यात्मक अबस्था हो। कतिपय अवस्थामा रहरमा डिभोर्स गर्नेहरू पनि नहोलान भन्न सकिदैन। धेरैमा यस्तो हुदैन उनिहरुलाई डिभोर्स एक बाध्यता बन्दछ अझ महिलाको लागि डिभोर्स एउटा त्यस्तो दाग हो। जसमा डिभोर्स गर्नेहरूले पुराना कुरा, दिन गल्तीहरु बिर्सिएर नयाँ सुरुवात गर्न खोज्छन् तर समाजले त्यस्ता कुरा बिर्सन दिदैन।
महिला घर परिवार समाज सबैलाई बुझ्दै डिभोर्सको निर्णयमा पुग्छिन। उनको त्यो निर्णयमा घरपरिवारले एकिबद्द्ता जनाउनु त कता चियोचर्चा गर्न सुरु गर्छन। महिला हौ बिबाह गरिसके पछि डिभोर्स गर्नु हुदैनथ्यो, केही कुरा सहनु पर्थ्यो भनी घाउमा नुन लगाउछ्न न्यायाधीश बनेर। जुन सम्बन्धले आफुलाई सुख, शान्ति र सन्तुष्टि दिदैन।
त्यस्ता सम्बन्धको जालो भित्र रहेर सम्बन्ध अनि जीवन बोजिलो बनाउनु हुदैन भन्ने सल्लाह किन दिन सक्दैन होला समाजले ? त्यही सम्बन्धबाट छुट्टीएर बसेको पुरुषलाई भने समाजले सहज रूपमा लिन्छ तर महिललाई बोझको रूपमा लिइन्छ किन होला?
महिलाको लागि पनि डिभोर्स एक अधिकार हो पाप होइन किन बुझ्न सक्दैनन समाजले?
श्रीमानसङग छुटिनु दु:खद कुरा हो त्यसबाट पछि महिलाहरुले नयाँ सुरुवात गर्न सक्दैनन् भन्ने भ्रम ब्यप्त किन होला?
महिलाले पनि आफ्नो भबिष्य देखेकी हुन्छिन।

सपना र महत्वाकांक्षा पूरा गर्न सक्छ्न भन्ने किन बुझ्दैन समाज?
बिबाह टुटेपछी पनि महिलाहरु पुरानै लयमा फर्किन सक्दैनन् भन्ने सोचाइमा परिवर्तन गर्नु जरुरी छ।
अशिक्षित समाजमा महिलाहरुले आफुमाथी भएका शोषण दमन का कुरा बुझेका थिएनन्।
पुरुषहरूको विरुद्धमा गइ आवाज उठाउनु पापको रुपमा लिन्थे।
त्यसैले डिभोर्सका कुरा हुदैनथ्यो भए पनि कमै मात्रामा हुन्थे। जब एक महिला डिभोर्सको निर्णयमा पुग्छिन धेरै कुराहरुको सामना गर्दै पुगेकी हुन्छिन । महिलालाई झुटो सहानुभूति भन्दा उनीहरूको निर्णयमा सम्मान गरौ। महिलामाथी महिला भएकै कारणले हुने हिंसाको अन्त्य गरौं। डिभोर्स एक बाध्यात्मक अवस्थाको उपज हो भन्ने बुझ्नु जरुरी छ
✍️कृषा के. सी
कोटेश्वर, काठमाडौ